म यस्तो गीत गाउँछु युनिट: हात्ती चढेर निम्तो बाढ्दै

चितवन । यहि असार ३० गते (१४ जुलाई) देखि देशब्यापी प्रदर्शन हुने प्रेम कथामा निर्मित चलचित्र म यस्तो गीत गाउछुको युनिट फिल्म प्रोशनको लागि प्रचारप्रसारमा जुटेको छ । शुक्रबार चितवनमा फिल्मका कलाकारसहित निमार्ण युनिटले पत्रकार सम्मेलन गरि फिल्मका बारेमा जानकारी गराएको छ ।

चलचित्रका कलाकार सहित देशका बिभिन्न भागमा गएको चलचित्रमा युनिट शुक्रबार चितवन आएको थियो । पल शाह र पूजा शर्मा सँगै सरोज खनाल, रुपा राना लगायत कलाकारहरुको अभिनय रहेको छ भने कविराज गहतराजको नृत्य निर्देशन र संजय लामाको छायाँकन रहेको छ ।

चलचित्रका नायक पल शाह , पूजा शर्मा सँगै सरोज खनाल, शोभित बस्नेत लगायतको चलचित्र युनिट चितवनमा आएको हो । यसअघिका आफ्ना चलचित्रले दर्शकको माया पाएको बताउदै नायीका तथा निर्माता पूजा शर्माले यस चलचित्र रामैो बनेको हुनाले अझै धैरै माया पाउने बिश्वास व्यक्त गर्नुभएको छ । म यस्तो गित गाउछु चलचित्र सुदर्शन थापा द्वारा निर्र्दे्शित रहेको छ ।

फिल्मका कलाकारले आज चितवनमा छुट्टै प्रचारशैली अपनाए । चितवनको सौराहाबाट २ घण्टा बढी हिंडेर आएको युनाईटेडकली नामको हात्तीमा बसेर कलाकारहरु नारायणगढ बजार घुमे । हात्तीमाथि सयर थिए कलाकारहरु सरोज खनाल, पुजा शर्मा र पल शाह । उनीहरुलाई अर्का कलाकार सोभित बस्नेतले साथ दिईरहेका थिए ।

नारायणगढ बजारमा हात्तीमा चढेर उनीहरुले दर्शकलाई हात हल्लाउँदै फिल्म हेर्न आग्रह गरेका थिए । नारायणगढको पुल्चोक पुग्ने वित्तीकै दर्के पानी पपरेपनि परबाह नै नगरी प्रचार अभियानलाई तिब्रता दिए । ‘चितवनको चर्कोगर्मीमा पानीले झन् मजा बनायो’, कलाकार सरोज खनालले अनुभव सुनाए ।

नरायणगढको पुल्चोबाट शुरु भएको यात्रा शहिरचोक, लायन्स चोक हुँदै पुन पुलचोकमा आएर टुंगिएको थियो उनीहरुको अघिपछि झुम्मिएका दर्शकले हात्तीमाथि कलाकार देख्दा खुबै मनोरञ्जन लिए । कसैले सेल्फी खिचे भने कसैले हात हल्लाएर अभिवादन गरे । घरको तीनतला माथि हुनेहरुले पल, पल भन्दै हुटिंङ्ग गरेका थिए ।

म्युजिक भिडियोमा खेलेर युवा पुस्ताको मनमा बस्न सफल भएकाले पललाई भेट्न किशोर किशोरीको बढी भिड थियो । दर्शकको दवाव आएपछि उनीहरुले हात्तीमाथि बसेर सबैलाई असार ३० बाट प्रदर्शनमा आउन लागेक चलचित्र ‘म यस्तो गीत गाउँछु’ हेरिदिन आग्रह समेत गरे ।

अहिले प्रचारप्रचारको क्रममा देश दौडाहामा लागेको चलचित्रको टोली पुर्वी नेपालबाट आज चितवन हुँदै पश्चिम लागेको छ । शनिवार बुटवलमा कार्यक्रम छ ।

चलचित्र प्रेमगीतको शिर्ष गीतलाई सापट लिएर सुदर्शन थापाले निर्देशन गरेको उक्त चलचित्र स्वयं थापा र नायिका पुजा शर्माले निर्माण गरेका हुन् । उक्त फिल्ममा सरोज खनाल सहित रुपा,राना, मोहन निरौला,राजाराम पौडेल, शिशिर रानाको अभिनय छ । मुख्य अभिनय भने पुजा र पलको छ ।‘मुख्यगरी यो चलचित्र लभ स्टोरी नै हो, अनी मिक्स मसला छ,’ नायिका तथा निर्मात्री पुजाले आज चितवनमा पत्रकारमाझ भनिन् ।

अर्का कलाकार सरोज खनालले राम्रो चलचित्र बनेकाले दर्शकले सजिलैसँग समयको सदुपयोग गर्न सक्ने बताए । सवा करोड लगानी निर्माण भएको उक्त चलिचत्रमा ३ वटा गीत समावेश छ ।

काठमाडौ पोखरा तथा माथिल्लो मुस्ताङमा छायाँकन गरिएको चलचित्रलाई दर्शकसँग नजिक बनाउन फरक शैलीमा हात्ती सफारी गरिएको कलाकार सोभित बस्नेतले बताए ।

Loading...