मन्त्रिपरिषद्को बैठकः प्रदेश प्रमुख तोक्ने तयारी

काठमाडौँ । प्रदेश प्रमुख तोक्ने तयारीका साथ अाज मन्त्रिपरिषद्को बैठक सिंहदरबारस्थित प्रधानमन्त्री तथा मन्त्रिपरिषदको कार्यालयमा सुरु भएको छ।

केही बेर अघिदेखि बैठक बसिरहेको प्रधानमन्त्रीका प्रेस संयोजक गोभिन्द परियारले जानकारी दिए। सरकारले आफ्नो संवैधानिक दायित्व पुरा गर्न भन्दै राजनीतिक सहमति नजुटे पनि आज प्रदेश प्रमुख नियुक्त गर्ने लागेको हो वाणिज्यमन्त्री मीन विश्वकर्माले जानकारी दिए। ‘प्रदेश प्रमुख तोकिएन भने प्रदेश सभाका सदस्यहरूले शपथ ग्रहण गर्नका लागि संवैधानिक बाधा अड्चन सिर्जना हुन्छ,’ उनले भने,‘ त्यसो भएको हुनाले शुक्रवारको मन्त्रिपरिषद्को बैठकबाट प्रदेश प्रमुखको नियुक्ति गर्नैपर्ने स्थितिमा पुगेका छौँ।’

राष्ट्रियसभा निर्वाचनको कार्यतालिका अनुसार माघ ७ गते मतदाता नामावली सार्वजनिक गर्नुपर्ने भएकोले तत्काल प्रदेश प्रमुख नियुक्त गर्न लागिएको उनले बताए।

तर प्रदेशको अस्थायी राजधानी भने आज नै तोक्ने सम्भावना कमै रहेको बताईएको छ।

Loading...