मुख्यमन्त्री राउतको प्रतिवद्धताः प्रदेश विकासका लागि पाँच स, गुनासो टिपाउन हेल्लो प्रदेश

धनुषा । प्रदेश २ का मुख्यमन्त्री लालबाबु राउतले सुशासन कायम गर्नका लागि ११ बुँदे प्रतिबद्धतापत्र सार्वजनिक गरेका छन् । उनले केन्द्रमा हेल्लो सरकार जस्तै प्रदेशमा हेल्लो प्रदेशको अवधारणा समेत तयार पारेका छन् ।

मुख्यमन्त्रीको कार्यालय मातहत ‘हेलो प्रदेश’ डेस्क स्थापना गरिने भएको छ । त्यसका लागि निःशुल्क टेलिफोन सेवा पछि सार्वजनिक गरिने, प्रदेशको कर्मचारीले राष्ट्रसेवक कर्मचारी भनेको जनताको सेवक हो भन्ने सन्देश जनतामा प्रवाहित गर्ने मुख्यमन्त्री राउतले बताएका छन् ।

अाइतबार अाफ्नो प्रतिबद्धता पत्र सार्वजनिक गर्दै उनले इमेल [email protected] लगायत अन्य विद्युतीय माध्यमबाट समेत जनताले आफ्ना गुनासा सिधै मुख्यमन्त्री कार्यालयमा टिपाउन सक्ने र इमेलबाट प्राप्त जनताका गुनासामा तत्काल कारबाही गरिने तथा गुनासा उपर कारबाही भए-नभएको जानकारी उजुरीकर्तालाई दिइने बताएका छन् । त्यस्तै ‘जनतासंग मुख्यमन्त्री’ भन्ने जनतासँग प्रत्यक्ष संवाद हुने खालका कार्यक्रमका लागि सञ्चार माध्यम प्रयोग गरी सञ्चालन गरिने, ‘जनतासँग मुख्यमन्त्री’ कार्यक्रम समेत मुख्यमन्त्रीको सुशासन कार्यक्रमकै एक पाटो हुने र जनताले सिधै आफ्ना गुनासा मुख्यमन्त्रीसँग राख्न पाउने बताइएको छ ।

मुख्यमन्त्री राउतले आइतबार मुख्यमन्त्री निवासमा आयोजना गरेको पत्रकार सम्मेलनमा मुख्यमन्त्री पदको शपथ लिँदै गर्दा मुख्यमन्त्री राउतले प्रदेशमा सुशासन कायम गर्ने प्रतिबद्धता जनाएअनुरुप प्रदेशभित्र सुशासन कायम गर्न प्रतिबद्धतापत्र सार्वजनिक गरेका हुन् ।

प्रतिबद्धतापत्रमा प्रदेशभित्र पूर्णरुपमा सुशासन कायम गरिने, भ्रष्टाचारविरुद्ध शून्य सहनशीलता अपनाइने, नीतिगतरुपमा गरिने भ्रष्टाचार स्वीकार्य नहुने, प्रदेशको दैनिक प्रशासनमा ढिलासुस्ती सहन गर्न नसकिने, प्रदेशका सेवाग्राही जनतालाई सरकारी कर्मचारीको २४ घण्टाभित्र काम पूरा गर्नुपर्ने, सेवाग्राहीको हितलाई ध्यानमा राखेर प्रदेश
त्यसैगरी, प्रदेशका विभिन्न ठाउँ जस्तै गाउँपालिका, नगरपालिका, वडा तथा टोललगायत विभिन्न भागमा मुख्यमन्त्री जनताको घर दैलोमा गई प्रदेश सरकारप्रति रहेका गुनासा सुन्ने र उक्त गुनासाको सम्बोधन गर्ने प्रयास गरिने कुरा प्रतिबद्धता पत्रमार्फत बताइएको छ ।

त्यस्तै, प्रदेशका जनतालाई दैनिक उपभोग्य वस्तु र सेवामा हुने कालाबजारी वा महँगी नियन्त्रणको लागि प्रभावकारी रुपमा बजार भाउको अनुगमन गर्दै कालाबजारी नियन्त्रण गर्नका लागि सरकार प्रतिबद्ध रहने, अनियन्त्रित र अवैधरुपमा भइरहेको मदिरा बेचविखन तथा सेवनलाई आवश्यक नीति बनाई नियन्त्रित गरिने र वन्यजन्तु तस्करी, प्राकृतिक स्रोतसाधन दोहन तथा वन फँडानीलाई तत्कालन रोकिने प्रतिबद्धता पत्रमा उल्लेख छ ।

मुख्यमन्त्री राउतले प्रदेश विकासका लागि ५ ‘स’ को कार्यक्रमसाथ अगाडि बढ्ने बताउँदै आउनु भएको छ । मुख्यमन्त्री राउतले फेरि पनि पाँच ‘स’का आधारमा अघि बढ्नु पर्ने बताउनुभयो । उहाँले बताउँदै आउनु भएको सुशासन, शिक्षा, स्वास्थ्य, सडक र सिँचाइ गरी पाँच ‘स’ लाई विशेष प्राथमिकतामा राखेर प्रदेशको विकासको खाका कोर्ने कुरालाई पुनः दोहो¥याउनुभएको छ ।

Loading...