मनोबिज्ञान दिबस २०१८ बिहिबार राजधानीमा बिभिन्न कार्यक्रम गरी भब्यताका साथ मनाइएको छ ।
त्रिचन्द क्याम्पस मनोबिज्ञान बिभाग, द स्कुल अफ साइकोलोजी नेपाल, ए.पिनको संयुक्त आयोजनामा र मेलम्ची सीप केन्द्र, होलिस्टिक माइण्ड्स एण्ड लाइफ सेलिब्रेसन सेन्टरको सहआयोजनामा भएको उक्त कार्यक्रमको प्रभातफेरी माइतीघर मण्डलाबाट शुरु भएर भद्रकाली मन्दिर, न्यूरोड हुँदै त्रिचन्द्र क्याम्पस घण्टाघरमा पुगेर कोणसभामा परिणत भएको थियो ।
कोण सभामा पिके क्याम्पस मनोबिज्ञान प्रमुख मिर्नोमा जोन्छे, द स्कुल अफ साइकोलोजी नेपालका संस्थापक अध्यक्ष पदम राज जोशी, मनोबिद् डा.नरेन्द्र सिंह ठगुन्नाले मनोबिज्ञान दिबसको उद्धेश्य र औचित्यको बारेमा आफ्नो धारणा राखे ।
यसै गरी मध्यान्ह सत्रमा जलवायू परिवर्तनमा मनोबैज्ञानिक मध्यस्थताको बारेमा अन्र्तक्रिया कार्यक्रमको आयोजना गरिएको थियो । उक्त कार्यक्रममा बाताबरणबिद् प्रा.डा.दिनेश भुजुले जलवायू परिवर्तनले मानब जीवनको अस्तित्व संकटमा रहेकोहुँदा मनोबैज्ञानीक मध्यस्थताको आबश्यक्ता रहेको बताए ।
त्यस्तै त्रिचन्द क्याम्पस मनोबिज्ञान प्रमुख प्रा.डा.उषा किरण सुब्बाले जलवायू परिवर्तनको कारणले हुन सक्ने मनोबैज्ञानीक समस्याबारे सचेतहुँदै कसरी मनोबैज्ञानीक रुपमा तयार हुने भन्ने बारे आजैबाट बुझ्नु पर्ने बताए ।
उक्त कार्यक्रममा मनोबिद् डा.केदार बहादुर रायमाझी, प्रा.डा.शिव महतो, मनोविद् डा.तिमोथी अर्याल लगायतले आफ्नो बिचार राखेका थिए ।
कार्यक्रम संयोजक मनोबिद् डा. नरेन्द्र सिंह ठगुन्नाले युएनले समेत अनुमोदन गरेको मनोबिज्ञान दिबसको नेपालमा धेरै नै महत्व रहेको र यसलाई भावी दिनमा अझ ब्यबस्थित गरेर बृहतरुपमा देश भरिनै बिभिन्न कार्यक्रम गरेर मनाउने बताए ।