विश्व हिन्दु महासंघका अध्यक्ष सिंहको निधन

काठमाडौं । विश्व हिन्दू महासंघका अध्यक्ष भरतकेशर सिंहको निधन भएको छ ।

सिंहको ललितपुरस्थित बयोधा अस्पतालमा उपचारका क्रममा आइतबार बिहान निधन भएको हो । वयोधा अस्पतालले सिंहको आइतबार बिहान ३ः१५ बजे निधन भएको पुष्टि गरेको छ ।

८२ बर्षीय सिंहलाई अस्पताल लैजाँदा पिसाव सम्बन्धी समस्या थियो । पछि निमोनियाँ देखिएको र अन्ततः हृदयाघातका कारण निधन भएको वयोधा अस्पताल स्रोतले जानकारी दिएको छ ।

सिंहको पार्थिव शरीरलाई दिउँसो साढे १२ बजे अन्तिम श्रञ्द्धाञ्जलीका लागि केहीबेर वनकालीमा राखिने र आजै पशुपति आर्यघाटमा अन्त्येष्टि गरिने विश्व हिन्दु महासंघले जानकारी दिएको छ ।

सिंह तत्कालीन राजाका एडीसीसमेत हुन् । पूर्वराजा ज्ञानेन्द्र शाहनिकट सिंह नेपाली सेनाका पूर्वउपरथी हुन् ।

उनको निधन प्रति राप्रपाका अध्यक्ष कमल थापाले दुःख व्यक्त गरेका छन्।

Loading...